اليوسيماس .. برنامج دولي متخصص في تطوير مهارات الطفل في الرياضيات .. مركزهم ماليزيا و متوزعين في 25 دوله ثانيه .. من سنه تقريبا سمعت عنه من ام سعوديه –يزاها الله خير- و مدحتلي اياه .. و كنت ادور اي فرع له في الامارات ، و كنت متوقعه ان في دبي و كنت ناويه اودي اليهال في الويكند .. بس ما لقيت اي معلومه .. و في معرض الكتاب الي كان في بوظبي شفت ام بعد تسأل و تدور عنه –و قطعت الامل- .. بس من كمن يوم شفت باص مكتوب عليه UCMAS و حاط لسته بالفروع الي في بوظبي ، انا كنت مستكثره فرع واحد طلع عندهم اربع او يمكن خمس افرع .. الحمد لله

البرنامج للأطفال من 4 – 12 سنه .. عباره عن 10 مستويات .. كل مستوى مدته 3 شهور بس حصه مدتها ساعتين كل اسبوع .. وايد زين .. بس الكورسات الصيفيه تكون مكثفه

ان شاء الله يوم احط عيالي احصل حد من عيال البلاد وياهم ، لان لو شفتوا لستة الاوائل بتشوفون شو الجنسيات المسجله عيالها في البرنامج .. و انا مب قصدي شي ، بس اتمنى اهل البلاد يستغلون ها النوع من البرامج حق عيالهم

و هذا موقع البرنامج الدولي

وهذا موقع فرع الامارات