سامحوني بعد متأخره في التدوين عن المركز الي اعتبره اكثر من رائع .. ما اتذكر بالضبط كيف سمعت عن فعالياته الصيفيه .. المهم انا سجلت بسبوس و كانت محظوظه انها انقبلت لان برنامجهم للبنات من 6-11 سنه .. و هي 5 سنوات .. و في برنامج ثاني للبنات فوق ال11 سنه .. هم بدو من اكثر من ثلاث اسابيع .. الحين هم شغالين في الاسبوع الرابع .. بس باقي بعد اسبوعين .. ان شاء الله تلحقون عليهم .. كل اسبوع يكون عندهم ثيم معين يشتغلون عليه طول الاسبوع و اليوم يكون متوزع على قصه او محاضره و بعدين اشغال يدويه او طبخ .. بعدين عندهم رسم او اناشيد او تصوير .. الاسبوع الاول كان تراثي .. الثاني كان عن كنوز البحر و الثالث كان اسبوع تحدي و مسابقات و الرابع عن الحضارات و الخامس على ما اذكر عن كنوز البر و السادس بعد على ما اعتقد عن الفضاء و يودونهم رحلات

الحمدلله بسامي على صغر سنها واااااااااااااااااايد استفادت .. و انا كنت مستانسه انها بتختلط ببنات كبار و بتتعلم و تتصرف مثلهم .. بس ما حطيت في بالي ان بيكون في جانب سلبي -اكيد فيه بس احاول اسايسها الله يعيني- يعني مثلا تبغي موبايل الحين بس الحمدلله اقتنعت انه مستحيل الحين و من غير اسلوب الكلام الي تغير سبحان الله

و مركز غراس بعد يقدم دورات للنساء يعني الاسبوع الي فات كان في دوره لمصطفى ابو السعد بس للأسف ما قدرت احضر .. و بعد في دورات تعليميه للاطفال .. يعني خالد دخلته في دورة عملاق الرياضيات -وايد مفيده خصوصا انها بالعربي مع انه في البدايه اتضايق و قال ما افهم عربي

احسن شي تدخلون على موقع المركز و تاخذون فكره و الافضل انكم تتصلون بالتلفون

اضغط للدخول على الموقع