صادفني ها الموضوع و هذا رابطه .. يتكلم عن مقالم سحبوها من السوق الامريكي لانهم اكتشفوا ان سحاب المقلمه ملون بمادة تحتوي نسبه عاليه من الرصاص المضر بالمستخدم .. على ما اذكر ايام تواجدي في امريكا ، و اذا صار مثل ها الشي ينشرون ممنشورات في المحلات يطلبون من الناس الي شروها يردونها و بيتم تعويضهم ، و مب بس في المحلات ، بعد في المجلات المتخصصه .. يعني مثل ها المقالم بيحطون اعلانات عنها في مجلات الاطفال و المجلات التربويه

ها الموضوع ما خلاني أتساءل لاني من زمان و انا افكر هل معقوله كل المنتجات الي عدنا سليمه ؟ .. لان بصراحه عمري ما شفت محل يعلن عن فساد سلعه من السلع الي يبيعها عدنا هني .. بس بوجود محلات مثل محلات بودرهم و درهمين و محلات دايسو و السوق الصيني ، أشك بصراحه .. و عيالنا مساكين يعني غير؟ و الا مب غاليين علينا .. لا و الله غاليين علينا و على بلادهم -و البلاد ما تقصر- بس للأسف مافي حرص ، اذا ها الكثر متعايزين يكشفون على السلع ، اكتفو بسلع الاطفال .. والله حرام هاي امانه .. ما أقول الا الله يرحم عيالنا و يرحمنا برحمته يا رب