الشهر الي فات سجلت الصغاريه في دورات في المجمع الثقافي .. خالد في دورة “تنمية مهارات التفكير” .. و بسبوستي في دورة “تنمية المهارات الفنيه” .. و كانت الدوره الوحيده للأطفال من سن 3 سنوات .. اعتقد معظم دورات المجمع تبدأ من سن 6 و طالع .. و كانت الدوره الي شركت فيها بسامي للطفل و الام مع بعض .. يعني الام تشتغل مع الطفل .. بس الطفله مالتي ما كانت تبغيني اشاركها في اي شي .. اليهال مع امهاتهم كانو يبدعون في صنع الاعمال الي المدرسه تطلبها ، طبعا لان الام تساعد .. و لو خلتني بسامي احط يدي معاها جان بدعنا نحن بعد .. بس ما شاء الله عليها ما ترضي -و ها الشي ما زعلني بالعكس كنت استانس يوم اشوف شغلها بروحها بدون مساعدتي ، بس اني كنت قاعده معاها و مشاركتي كانت بالمديح و التشجيع .. و شوفو شغلها في الصوره يوم كان عندهم العمل بالمعجون او الصلصال .. هي سوت كل شي بروحها الا الجوريه انا ساعديتها فيها .. خذو بالكم من رموش الفراوله -قولو ما شاء الله على ابداع بنتي- .. عاد النخله الي عا الطرف انا سويتها .. الصوره من تصوير مدرستها يزاها الله خير

و دورة خالد بعد كانت جدا مفيده ، و الاستاذ ماله وايد زين .. و كنت اتوقع خالد يمل خصوصا انه مسكين اطلعه من التحفيظ و اوديه المجمع .. بس بالعكس كانت وايد متحمس لها .. مع ان الدوره كانت بالعربي و كنت شوي احاتي انه ما يفهم عدل على الاستاذ بس الحمدلله مشى معاهم و اكتسب مفردات يديده .. و لو كان ها الشهر في تكمله او جزء ثاني للدوره جان سجلته ، بس الشهر هذا بيعيدون نفس الدوره

و ان شاء الله في المستقبل اسجلهم في المركز متى ما حصلنا فرصه

على فكره .. اول يوم وديت فيه خالد المركز كانت اول مره ازور فيها المجمع الثقافي .. و اسميني استااااانست .. وااااااااايد عيبني الا تخبلت عليه .. كل شي فيه حلو .. الا يوم شفت مكتبة الاطفال -ما اقدر اوصفلكم فرحتي- اول مره اشوف ها النوع من المكتبات في بوظبي .. و طلعنا بطاقه حق خالد بس بعدنا ما استخدمناها