على كثر ما حبينا ها المسلسل .. تابعناه في رمضان و بعد رمضان بعد قمنا نشوف بالحلقتين و الثلاث ورا بعض على اليوتيوب .. مع ان عندي بعض التحفظات ضده .. انا اعتبره مسلسل كرتوني للكبار مش الاطفال ، حتى بعض الحلقات ما خليت الصغاريه يشوفونها مثل حلقة السحر و الشعوذه .. و بعض الالفاظ بصراحه مش زينه حقهم يتعلمونها خصوصا كلمة “وابوييه” الي كان حنفي على طول يرددها -عيب الريال يقولها- .. و بعض الافكار الي الواحد ما يبا يفتح عيون عياله عليها ، مع اني اعتقد وايد يهال من زمان عيونهم مبطله فناييل .. بس عيالي فديتهم وايد بريئين يلين الحينه -الله يعين على عقب- .. يعني كنت اخليهم يشوفونه بس برقابه و مستعده لاي سؤال .. لكن في يوم من الايام ياني خالد بمنظر -مضحك مبكي- .. ياني حاط يديه في مخابيه و مخنفس بويه و معلق مشط في شعره .. قالي شوفيني انا يمعان .. يعني ما لقيت الا يمعان .. صح مب من زين باقي الشخصيات بس خالد اعجب بشخصية يمعان و حب يقلدها .. كنت ممكن اعتبرها نكته و اطوفها ، بس لا بصراحه تميت خايفه و احاتي كمن يوم انه ما بينسا الحركه و يحاول يسويها جدام الناس .. الحمدلله مع التجاهل نساها و مرات بسامي كانت تقوله خالد سو مثل يمعان ، و كان يسوي بس اكثر المرات يطنشها
مب كل مسلسل كرتوني ينفع حق اليهال و الواحد لازم يكون حذر شو يخليهم يشوفون -ما تحتاجون توصيه اكيد- .. انا مازلت كل ما حسيت بملل افتح اليوتيوب و اشوفلي حلقه و الا ثنتين