اسبوع التشجير الثامن و العشرين
2008 6th, مارس
كان ودي اليهال يشاركون في اسبوع التشجير و على كثر الاعلانات في الشوارع تشجعت اوديهم حديقة التراث -عقب زور لقيناها بما انها حديقه يديده- الحديقه وايد حلوه بس ما كان في فعاليات بمعنى فعاليات .. انا وديتهم العصر فيمكن الانشطه كانت تصير الصبح حق الزوار من طلبة المدارس .. و الله ما ادري .. بس كان في مرسم و هنيه خالد و بسامي يرسمون
المرسم كان شكله ممل ، و خالد سألني عن الشتلات الي كان المفروض يزرعها .. بس معروضات المعرض كانت وايد حلوه و مفيده .. و لفت نظري قسم يعرض منتوجات زراعيه من شغل ذوي الاحتياجات الخاصه المركز تابع لمؤسسة زايد العليا -نسيت اسمه بالضبط- بس ما شاء الله شغلهم متعوب عليه .. تسلم يدهم .. و ان شاء الله السنه اليايه ينوعون من فعالياتهم او المدرسه تودي العيال يشاركون الصبح
