في الويكند قررنا نغير من الروتين و نسوي اعمال يدويه .. عدنا كتاب يخص ها الشي و اليهال اختاروا انهم يشتغلون على بيت الحشرات ، و الحمدلله كانت متوفره عدنا الادوات المطلوبه
كرتون بيض - ورقة خضراء - pipe cleaners و ما اعرف شو اسمهم بالعربي بس هي الاسلاك الي عليها وبر - صبغ و فرشاة - صمغ - مقص - خرامه - و عيون

كرتون بيض -قسمناه من النص- احتفظنا بنص و النص الثاني قطعنا الوحدات مالته و صبغوها اليهال بأخضر
انا كنت مسؤوله عن الاشياء الحاده -فكنت اخرم و اقص- خرمت الوحدات مكان الارجل .. و هم ركبوا الريوم بها الطريقه

و ركبو العيون و قرون الاستشعار-ما خرمنا مكانهم بس على طول غرزو السلك في الكرتون- .. و خرمنا مكان لفتحة الحلج
و تعاونوا خالد و بسامي في قص الورقه الخضراء كأنها حشيش و لزقوه .. و في النهايه صار عدنا ها الشي

شي بسيط و ممكن تقولون مافي داعي .. كفايه العابهم .. بس اليهال وايد يستانسون يوم يشوفون شغل يدهم .. بسامي ودته معاها المدرسه تروي ربعها شغل يدها و رجعته .. و خالد بياخذه يراوي مدرسة الفن ها الاسبوع .. حاليا بسامي تلعببهم و سمتهم اسامي بعد