في الحركه بركه صح ؟ .. و من العام ادور حق بسامي نشاط رياضي جماعي -مع بنات- ما لقيت غير الباليه .. كان ممكن احطها في كلاس كاراتيه و لا تايكواندو .. بس ما ابغي -احس انه نشاط ولادي ، بس اذا هي بنفسها طلبت بفكر- .. مافي انشطه حق اليهال ، انزين شو نسويبهم ؟ .. لازم عقب المدرسه يباله شوي يلعب و يتحرك ، غير عن اليلسه جدام التلفزيون او الكمبيوتر .. و كنت انتظر بفارغ الصبر اسجلها في هامل الغيث السنه السنه .. بس غيروا قوانينهم و صاروا ياخذون من ست سنوات
مافي غير playhouse عنده كلاسات الباليه و ياخذ من 3 سنوات .. بسامي من العام باديه معاهم ، و مع انه في تحفظ من صوبنا نوعا ما لاننا ما نسمع و لا نسمع اليهال اغاني و موسيقى ، بس بسامي تسمع هناك -يارب اغفرلنا- .. بس ترد البيت تطبق الي تاخذه على اناشيد مشاري العراده -خصوصا فرشي التراب- تخيلوا عاد

يا ريت الشباب و الشابات الي يفكرون يسوون مشاريع تجاريه يفكرون يسوون نوادي رياضيه حق الاطفال و نبا شي مثل the little gym في عندهم فرع في الكويت .. ليش ما يسوون عندنا هنيه ؟