[youtube=http://www.youtube.com/watch?v=7szdc_N74PY&rel=1]

اول شي جمعوا الفايزين مع بعض و لبسوهم تيجان

و الي ما فازوا و بقية الطلبه الي ما شاركوا كانوا جمهور (و ما نسوهم ، اثنوا على الجهد الي بذلوه في المحاوله في الحفظ و شجعوهم على المشاركه في المسابقة اليايه)

عرضوا مسرحيه تدور احداثها عن حفظ القرآن (ما شاء الله كان عرض الطلاب اكثر من رائع)

بعدين نادوا اسامي الفايزين و طلعوهم على المسرح و قعدوهم

بعدين وقفوا كل مرحله على حده تقرأ جماعي وحده من السور الي حافظينها

بعدين الكل نشد نشيده عن حفظ القرآن و سوولهم مفرقعات ورقيه (ربشه و الله)

بعدين شي غير متوقع .. سووا مسابقة حق الامهات في معاني بعض الكلمات من السور المشاركه .. و الام الفايزه يعطون ولدها حلاوة .. عاد عيون خلودي بغت تطلع و هو يحاول يقولي جاوبي .. بصراحه ما جاوبت (جبانه كنت اخاف اجابتي تطلع غلط و اقفط جدام الناس)

عقب الناظره وزعت الهدايا عليهم .. و بعد كان في حركه وايد حلوه ان زقروا ام كل طالب معاه و خلوه يفسخ التاج و يلبسه امه (اهنيه صدق قفط لان اسم خالد كان اول اسم و كأني نحطيت في وجه المدفع)

الحفله كانت جدا جميله ، عسى الله يوفق مدرستنا و يثبت عيالنا على الحفظ و يبارك فيهم

مع انه قبل كمن يوم استلموا الشهادات و المتفوقين حصلوا شهادات تقدير من الناظره بس ما سوولهم حفله .. و بذلوا جهد حق حفلة التحفيظ .. بصراحه المدرسه كبرت في عيوني .. لان ميزوا القرآن عن الامور الثانيه .. فالى الامام دائما يا مدرستنا