رحنا المعرض و وديت الصغاريه .. و بصراحه .. بصراحه .. شوي انصدمت منهم لان ما اظهروا اي اهتمام بالكتب -مع اني مخصصه يوم بس حق قسم الاطفال- .. كانوا مهتمين اكثر بمنتجات الوسائل التعليميه و دفاتر التلوين ، و بعدها طلبوا يقعدون في المرسم .. بس عزيت ها الشي لصغر سنهم

بعد ما حطيتهم في المرسم كملت الجوله عنهم و يلست اختارلهم كتب .. في تطور السنه ، و في واااااااااااااااايد كتب حلوه من حيث طريقة العرض و الرسومات و الخط المستخدم و الافكار .. و شفت وايد كتب تهتم بشرح اقسام اللغه العربيه و دفاتر تمارين للنحو و الاملاء .. شي جميل بصراحه

بس انا ما احب اشتري بشكل عشوائي ، عشان جي مشترياتي كانت جدا بسيطه .. عجبتني وايد منتجات مؤسسة المعارف اللبنانيه و خذت من عندهم كمن كتاب .. و وايد وايد استناست على مجموعات الكتب الي في مكتبة عالمي الممتع الكويتيه ، الكتب عندهم على اربع مستويات على حسب مقدرات الطفل للقراءة و كتبهم تتناول الحديث عن شخصيات اسلاميه .. للأسف كان في نقص في كتب المستوى الاول -الي هو مستوى خالد- بس خذت كتابين ، لكن اقدر اسوي طلبيه بالبريد لو بغيت .. و من عند بريد المعلم السعوديه خذت كتاب “أبناء القمر” اول كتاب يتكلم عن الاشهر الهجريه ، بعد وايد حلو و عيالي استانسوا عليه و نحن نقراه مع بعض .. و خذت كتاب النحو المبسط و كتاب يهيأ الطفل لكتابة مواضيع التعبير و الانشاء