حبيت اذكركم بموعد معرض الكتاب .. نحن نترياه من سنه يلين سنه .. الوالد الله يحفظه سوالنا اياه روتين من يوم نحن صغار ، و الحين الروتين بيمشي على صغاريتنا .. مع اني و لا سنه وديتهم ، بس السنه باذن الله بوديهم .. يوم كامل بخليه بس حق قاعة كتب الاطفال -بصراحه يستاهل- .. خصوصا انه فيه مكان صغيرون في نص القاعه للرسم و التلوين يغيرون جو كل ما تعبوا من المشي

العام الماضي .. حصلت كتاب وااااااااااااايد ممتاز ، كان مثل تفسير لبعض سور القرآن القصيره بالصور و حق الاطفال طبعا .. كان في جزئين للكتاب .. و على ما اذكر دار النشر كانت مصريه ، ما اذكر اسمها بالضبط مع اني شريت نسخ لكل طلاب صف خالد ، و نسخته هو تبرعنابها حق حد ثاني .. ان شاء الله على أمل القى نفس الكتاب السنه بالاضافه للأجزاء يديده