البارحة كنت أتصفح النت مع بسامي .. و كانت طالبة تبا تشوف صور هيلو كيتي .. و نحن ندور شفنا الصورة الفوقية .. تخبلت بنتي ، الحين تبا تسافر عليها .. انا ما صدقت ، قلت يمكن طياره راسمين عليها هيلو كيتي .. بس بعد البحث لقيت فعلا ان في طيران مخصوص حق عشاق ها القطوة ، كل شي على الطيارة مال هيلو كيتي حتى البوردنج باس و تاغ الشنط ورديات و عليها صورة هيلو كيتي .. بس ما اطير الا من تايبيه الى طوكيو .. و الله انهم متفيقين
البوردنغ باس
يم يم
الحمدالله بناتي ماشافوها والا بيتفقون مع بسامي الله يحفظها لكم على موعد رحلتهم واحنا لنا الله …ههههههههه
بس تبين الصج ياام خالد انا صار في خاطري اسافر عليها 
آآآآآآآخ .. الحمدلله انا رزقنا بنات .. احمدك و شكرك يا رب .. و الله يعطي كل وحده تتمنى بنت ، بنت .. ان شاء الله .. لان فعلا يونسون ، و كل الي تتمنينه او كنت تتمنينه و انت طفله تقدرين تسوينه وياها
ما يندرى يمكن في يوم من الايام نلتقي صدفه -على متن طائرة هيلو كيتي-
و اسعدني مرورج و تعليقج الغاليه
I’m a big fan off Hello Kitty and i wish 2 go with ur daughter one day loool i think it will be a grate experiences.
الحمدالله والله ينبتهم نبات حسن …
وانشاء الله نلتقي على هيلو كيتي ..ماتدرين =)
متفيجين بقوووووووووووووووة
خخخخ .. اختي عابره ، هذا بزنس و يقصون على علينا .. و يا محسنا حق المقصه
وااااو جد وناسه
والله من جد أنا خقيت عندها ياليت تاخذون لي حجز مع أول واحد من أولادكم يركبها عشان أكون ثاني وحدة اركبها
يم يم
