مرة قريت مقالة للدكتورة لبنى الجادري من ضمنها كانت قايلة: “إن الطفل إنسان ذكي جدا ، بالرغم من عمره الصغير وخبرته المحدودة ، كما أنه يمتاز بسرعة التعلم والأستفادة من كل ما يدور حوله ويخدم مصالحه الشخصية ، وال ( أنا ) تسيطر عليه طوال فترة طفولته ، لذا نجده دؤوب على إتقان طرق مختلفة في تحقيق أغراضه” .. كلام سليم و صحيح 100% و كلنا نعتقد به .. بس غالبا ما ننساه او نتناساه .. او انا نقلل و نستهين بمقدرات الطفل في الفهم و الادراك

باختصار .. انا تعبت من سالفة التغذية السليمة و شو المفروض الطفل ياكل او ما ياكل .. اذا الام حرصت على التغذية الصحيحه معظم الاحيان الطفل ما يساعد و يرفض .. عشان جي لما كان عمر خالد اربع سنوات قررت اكلمه عن العناصر الغذائية –البروتينات ، الكاربوهايدرات ، الفيتامينات .. الخ- و ان اكله لازم يكون شامل لها العناصر لفايدتها في نموه ، وان بيصير قوي و بيربي عضلات و من ها الكلام الي يساعد .. اكيد في البدايه حسيته ضايع و مش مستوعب ، بس مع الوقت و مع كثرة الكلام عن فوائد هذي العناصر صار حريص عليها .. و حريص انه ياكل كل شي مفيد .. و واحد من مواضيعه المفضله الي يحب يتكلم عنها هي الفيتامينات .. و الحمدلله صار ياكل كيوي لان فيه فيتامينK الي هو حرفه

كلموا عيالكم بكل بساطة و بكل وضوح .. ان شاء الله يستوعبون ، في يهال فعلا تهمهم مصلحتهم –اذا من قبل شارحيلهم شو يعني مصلحه-

في مواقع وايد حلوه موجهة للطفل تهتم بالتغذيه و تشجع الاطفال على التغذية السليمه بشكل غير مباشر .. و هذا الموقع وااااااااااااايد حلو ، و فيه اقسام لنكات منخصصه للأهل و المدرسين .

تفضلوا الرابط