خلال العطله حالفني الحظ و شفت اعلان عن دورة صيفيه في نادي الامارات العلمي .. استغربت .. لاني ما كنت اعرف اني في عدنا نادي علمي في الامارات و ينظم نشاطات بعد .. و سجلت خالد وياهم ووااااااااااااااااااااااااااااااايد استانس .. كان نشاطاتهم متوزعه على التجارب العلميه و الكهرباء و النجاره و الكمبيوتر .. كانت اول تجربه لخالد مع الكهرباء و النجاره و وايد استانس عليهم .. حتى الناس الي شغالين هناك ما شاء الله عليهم كانو يشتغلون من الخاطر و باين عليهم اهتمامهم بنجاح الدوره .. في موقع الكتروني للنادي على الانترنت بس غير محدث و جديم .. و مبناهم قديم ان شاء الله ينتقلون للمبنى اليديد في اقصى سرعه .. خبروني ان في نادي في بوظبي -الحين يبالنا ندور عليه- .. الشي الوحيد الي كان مضايقني في هاذيج الدوره هو بعض الاولاد المشاركين ، انا كنت اودي و اييب خالد فكنت اشوف بعض التصرفات الغير لائقه .. اعوذ بالله بعض الاطفال للأسف غير مهذبين وما في احترام للأستاذ الي اكبر عنهم .. كنت احمد ربي ان اشوف الموقف جدامي عشان بعدين ابين لخالد خطأ ها التصرفات .. الله يهديهم و اهلهم قبل

حصة النجاره

حصة الكهرباء