في حد يتذكر ها العادة ؟!! .. ما أعتقد .. معظمنا نساها .. او يمكن ما يصدق ان مر زمن كان فيه حضور البنات للأعراس عيب .. و أنا كنت بتبنى ها العادة من يديد و بطبقها على بناتي .. من باب ان تركنا سماع الموسيقى و الاغاني و ما اريد اوديهن اي عرس في اغاني .. بس في نظر البعض كنت متخلفه بتطبيقي لها القرار .. بس اضطريت تحت ضغط و الحاح الاهل اني اخلي بسامي تحضر عرس عمها السنه الي فاتت مع انه في اغاني -و كنت حزينه- بس عشان خاطرهم .. و لبسناها فستان و سوينالها شعرها في الصالون و ميك اب .. و رحنا القاعه .. بس سبحان الله رقدت قبل ما يشتغل الدق .. و يا ابوها و شلها .. الحمدلله .. و السنه كان في عرس لااااااااااازم احضره و انا عارفه فيه اغاني .. طبعا رحت مال اقل عن ساعه و طلعت .. بس ها المره خذت بسامي معايه ، لان بنات اخواني -صديقاتها- كانو رايحات .. و تعرفون حركات المغاير مال البنات .. عن خاطرها وديتها شويه .. ست سنوات ما حضرت اي عرس .. و الحين راحت .. ما ادري الي سويته صح او غلط .. على العموم .. اعراس خوالها الشهر الياي .. واحد فيه دي جي اسلامي .. و الثاني ما ادري .. بوديها .. بس بيكونن اخر عرسين تحضرهن لفتره طويييييييييييييييييييييييييييييييله من الزمن

و صدق سيدنا محمد صلى الله عليه وسلم يوم قال : “يأتي على الناس زمان القابض على دينه كالقابض على الجمر” .. الله يعينا