السنة صدق استانست في معرض بوظبي للكتاب .. طبعا انا اتكلم بالنسبة لكتب الاطفال .. في وااااااااااااااااااااااااااااااااااااااااااااااااااااااااااااااااااااااااااااااااااااااااااايد كتب حلوه .. شريت كمية ما شاء الله .. و بعد ابا اروح مره ثانيه .. لاني -احم احم - الحين اشتري حق ثلاثة اطفال .. شريت حق هيا كمن كتاب من دار العلم للملايين .. و من عند دار المنهل خذت مجموعة كتب عن ملخص السيرة النبوية و علم الحديث و التفسير و العقيدة .. كله بشكل بسيط .. يعني لو قعدت مع خالد ان شاء الله بنقراه مع بعض .. وايد مفيدة حتى انا بستفيد منها -لان في أشياء صدق انا ما اعرفها و مفسره بشكل بسيط و حلو - .. المعرض آخر يوم له باجر ، فأتمنى الكل يقدر يلحق عليه