معرض الشارقة الدولي للكتاب 27
2008 31st, أكتوبر
المعرض السنة لا بأس به .. انا اتكلم عن قسم كتب الاطفال .. حسيت ان الكتب مب وايد ، و وايد اشياء متكرره من العام مع ان في كتب يديده و مطوره في طباعتها و رسوماتها .. و عجبني قاموس عربي-عربي للأطفال خذته حق الصغاريه
الزاويه المخصصه حق الاطفال في المعرض كانت مسليه و اليهال حبوها ، و اشكر البنات المسؤولات هناك بس طلعت بسامي و ميمي بنت اختي من عندهن يصيحن لان وعدوهن بجائزه على رسمهن و ما عطوهن شي .. مب قصدي شي بس لو عطوهم جائزه رمزيه مثل حبة حلاوه او ملصقات او بالونه جان استانسوا -الا عمارهن 5 سنوات- حسسوهم كأن شغلهم ولا شي .. بس زين ان في بياع ايسكريم عند البوابه سكتهم
